內地房地產市道近年持續向上，造就咗一批地產超級富豪，一項由內地媒體做嘅小統計，呢批地產富豪嘅身家原來可以有好大差距，最富有嘅SOHO中國（00410）潘石屹夫婦身家高達137億元，而最「窮」嘅深圳萬科舵手王石，身家估計只有5,958萬元。
王石身家雖然唔算多，但心中富有，佢間萬科喺內地慈善及公益事業作出嘅貢獻，令到佢喺內地商界極具影響力，王石曾經征服全球「7＋2」天險，即係成功攀登七大洲及兩極嘅高峰，難得嘅係佢為呢項成就進行籌款，造福他人。
余絲韻