抗藥性報道掀炒作
內地多隻藥股之所以借「惡菌概念」炒起，事緣係一宗有關「超級惡菌」嘅報道，內容話隻惡菌對於「替加環素」及「多粘菌素」以外嘅所有抗生素都有抗藥性。報道喺內地網站被廣為轉載，並引發內地股民猜測能生產「替加環素」及「多粘菌素」嘅藥業股會因而受惠，結果多家疑似「惡菌股」嘅A股上市公司都要發出通告澄清。
其中生產「多粘菌素」的聯環藥業，甚至指明話睇唔出「多粘菌素」銷售會因為「超級惡菌」出現而不尋常上升；另一隻疑似「惡菌股」萊美藥業亦澄清，話公司從未生產或申報「替加環素」，勸喻投資者切勿有太多聯想！
余絲韻