政府上周五再度出招遏抑樓市炒風，並針對豪宅市場作出多項收緊按揭措施。不過，綜觀昨日豪宅物業市況，暫未有明顯影響。九龍站更有內地買家聲言「儲足彈藥」，積極等待市況回軟「執平貨」。
中原林少禮指，西半山物業昨日的睇樓量，仍保持之前一周的旺勢，業主亦多企硬，暫未有主動減價的個案，但有個別業主則願意將議價微升至約2%。
利嘉閣地產蘇偉國表示，由於中半山豪宅盤源稀少，業主比較惜貨，故市場對政府新措施的反應甚輕微，暫時未見業主減價情況。
利嘉閣地產余傑文指出，東半山區豪宅則有個別業主，將議價空間上調至約3%水平。至於屬於二線豪宅地區的北角半山，昨日則有較明顯的「降溫」情況，睇樓量回落三成。
另外，有中資炒家樂園之稱的九龍站豪宅區，睇樓量亦沒有大變動。置業18徐立鋒表示，雖然有部分買家在政府出招後持觀望態度，但仍樂於睇樓，而且不少都會查詢市場有否「減價貨」。有內地客買家更明言，正準備在業主態度放軟時，趁機大舉出擊。
不過，亦有內地買家表示，早前內地的房產政策，對市況影響大，故亦希望先觀察一下港府會否再有「辣招」，再計劃入市。