比賽第4冇得出碟
冇錯，佢就係工銀國際投資服務部銷售董事徐燦傑（Jeslie），《童話》係佢九三年嘅作品，當時佢貪得意參加「香港城市民歌創作比賽」歌曲原詞原曲組，比賽中冠、亞、季軍嘅得獎者可以自己唱番首歌及灌錄個人唱片，可惜Jeslie只拎到第4名，結果首歌就交由歌手主唱。
Jeslie話當時好唔開心，佢細個時其中一個夢想係出唱片，不過依家望番轉頭，只要肯畀錢，出碟一啲都唔難，之後首歌畀到天王巨星主唱，拎到第4名都叫有得有失。
近期Jeslie重拾結他及鋼琴，作咗隻新嘅情歌《夢的延續》，佢話自己好怕悶，鍾意試唔同嘅嘢，呢首歌代表人生另一個延續，遲啲準備出唱片架。
余絲韻