期指觀瀾：短線博反彈見好要收

美股隔晚大跌，而港股昨日呈U形走勢，收市跌幅收窄到188點，收報21,105點，即市反彈179點。筆者尋日把揸好倉的目標由21,200點降至20,960至21,000點，緣於高位只用了兩日時間，已填補了第一個上升裂口21,200點，可見後市唔單止係一個升市中的輕度調整，隨時第二個裂口20,720點都有機會一試。

以期指計，今浪從七月中低位19,933點起步，最高升至21,797點合共1,864點，回吐升幅的50%，支持位在20,865點，昨下午期指去到20,860點出現反彈，可見此位已具一定支持，以黃金分割比例，下一站0.618支持在20,645點，會比第二度上升裂口低約75點，但是否要激到四個交易日去到咁極端的調整深度？未來兩日會有答案。

昨按計劃在20,960點入市，但重申今次博反彈，信心唔及前時20,000點開始揸上來，甚至用四分之一注碼試沽時，只要觸及21,180至21,240點會先食胡，若穿20,720點收市，好倉要止蝕再等機會。

John Mullen

Money18更多即時港股指數資訊