內地企業現時最急需並唔係「求財」，而係「求人才」至真，平保（02318）董事長馬明哲嘅「求才之道」都算別樹一格，佢話年輕嘅新進員工不妨做到「眼高手低」，乍聽之下仲以為係貶義，聽埋佢解釋後，絲絲即刻恍然大悟。
馬董認同家陣好多剛畢業嘅大專生，不乏出類拔萃嘅「表表者」，當中有唔少都屬於「海歸派」，佢哋剛入職就一心大展拳腳，夠膽幻想用15年時間，就可勝任大型跨國金融企業全球董事長兼CEO之位。不過他就話最終喺公司茁壯成長嘅新人，都係甘於腳踏實地由低做起嘅人。
所以馬董希望年輕人「眼高手低」，所包含嘅新含義係「高處着眼，低處着手」，即係同時要有宏觀視野、從基層工作做起嘅能力與耐心，以後者最為重要，即係「吃得苦中苦，方為人上人」啦！
余絲韻