絲絲最近與前iBanker、現任中大全球政治經濟社會科學碩士課程兼任講師黃元山（Stephen）傾開，知道佢一向有嚴重哮喘，所以對空氣嘅敏感度好高，為咗搞好香港嘅空氣質素，加入咗近年成立嘅「健康空氣行動」，就係想將「健康空氣」訊息傳遞出去。
香港空氣咁差，唔多唔少影響到Stephen嘅健康，佢話：「空氣質素其實會影響所有人嘅健康，但政府一直只着重『清新空氣』，但『健康空氣』就好少提到。」
Stephen除咗積極做慈善外，對環保工作亦不遺餘力，佢加入近年成立嘅「健康空氣行動」，就係想將「健康空氣」訊息傳遞出嚟。佢話依家香港只有3個路邊監測站，仲要擺到好高，但吸得最多污糟空氣嘅人，係坐喺路邊擺檔嘅小販，監測站應該設置近地面先可以準確量度空氣質素，依家就正積極籌募建立路邊監測站嘅經費。
講開Stephen嘅哮喘病，原來都幾嚴重，好似依家大熱天時，佢都只會揀飲熱咖啡，Stephen話自小就患有嚴重哮喘，屋企會擺定啲哮喘藥噴劑，而且唔飲得凍飲，一飲就好易出事。
余絲韻