支持保育 專家導賞
其實呢個慈善環保行地質生態導賞團，係名副其實集慈善與環保於一身，收到嘅贊助活動經費全部畀晒極地博物館基金做極地教育及保育。
中銀香港員工亦好出力參加呢個活動，去年就由中銀香港風險總監李久仲做其中一個領軍，帶住各大部門主管及過百人嘅中銀香港義工隊一齊參加。
絲絲收到風，今年中銀香港一樣會由高層領軍參與呢個活動，義工隊亦同樣過百人，陣容鼎盛，導賞團仲會請埋專業嘅香港地質學會地質導師及資深生態導遊，隨團講解土質地貌及生態。
大家見到靚景可以影多幾張相，參加埋中銀香港嘅攝影比賽，影得靚就隨時贏到現金。
余絲韻