絲絲講場：保護主義害咗滙源？

文章明顯有反嘲意味，故事當然由兩年前可口可樂提出以24億美元收購滙源講起。呢單交易如果成功，本來係最大嘅一宗外國公司在華購併交易，但大陸嘅監管機構臨門一腳阻止咗交易。

法國達能上周以2.6億美元悉售其所持嘅滙源股份予私募基金，每股價格僅為可口可樂當時出價嘅一半！照咁講法，可口可樂即係擺脫咗本來好有可能對滙源出價過高嘅命運。

可口可樂焉知非福

所謂「塞翁失馬，焉知非福」，收購失敗後，可口可樂喺大陸奉行內部增長嘅策略得到唔錯嘅回報。可口可樂喺中國果汁市場佔有率從○八年嘅13.1%提高到去年嘅13.8%，相反滙源卻因大陸政府嘅行動而承受不少損失，去年營業額較○八年只錄得微升。

余絲韻