絲絲講場：新世界撐內地尖子實習
為咗推動中港兩地交流，一向重視人才訓練嘅新世界發展（00017）提供咗16個職位畀內地學生來港實習，執行董事鄭志剛親自接見實習團，佢勉勵學生要好好把握呢一個月喺香港交流嘅機會，了解多啲香港文化及生活，藉此擴闊自己嘅視野。
新世界喺○八年開始舉辦「共創新世界」暑期實習團，支持本地大學生去內地實習，至今已支持約600名大學生去內地企業實習。今年由中華全國青年聯合會、香港青年聯會、新世界及香港志願者協會聯合主辦歷來第一個全國大學生香港實習團，吸引咗70幾位內地精英來港體驗一個月。
提供16個實習職位
鄭志剛話，新世界集團今年會提供16個實習職位，其他嘅就由11家大企業提供。呢70幾位內地大學生係來自31個省、市及自治區，而每個省只係揀選最優秀嘅兩至三人，所以佢哋可謂精英中嘅精英！嚟緊佢哋除咗實習工作之外，仲會獲安排參觀本港大學及傳媒機構，又會與本地大專生交流，更有機會見高官添，真係好充實及有意義架！
余絲韻