至於以佢老公黃建業做主席嘅美聯（01200）計，鄧美梨就喺舊年八月中至今年七月尾，畀咗350萬佣金畀美聯賺。
鄧美梨近來又再出手，根據美聯同埋美聯工商舖嘅公告，喺七月二十三日，佢已經委託咗呢兩間公司，出任代理，仲簽埋臨時買賣合約。
炒樓料以億計
公告入面話，一般會收客物業售價嘅1%做代理費用，不過美聯一般都會提供30%至50%折扣。據絲絲估計，以黃太嘅地位拎到嘅折扣一定係最多㗎啦，照推算過去一年黃太買買賣賣舖頭，交易總額應該差唔多5億。
至於據美聯嗰邊條數350萬計，應該包括一定比例嘅子公司美聯工商舖嘅交易，就咁估計黃太炒樓都應該炒過億。
余絲韻