心水清嘅讀者可能仍記得，李澤鉅早兩日現身賣地時一臉倦容，昨日記者會佢講嘢又係「喉沙沙」，李澤鉅話為了這單「世紀大交易」，原來佢已經連續四晚每晚「瞓得幾粒鐘」，其實大家只要留意下香港與倫敦有七個鐘頭時差，買賣雙方仲要香港開完會英國會又開，相信就可以體諒李澤鉅同佢班同事，過去幾日嘅苦況！
長建收購EDF英國電網資產，就如李澤鉅所說「Technically未close」，不過長建與港燈昨日已急不及待召開記者會，李澤鉅解釋，是由於不希望傳媒只能靠港交所通告了解單交易「咁dry」，故特意親身「Face to face」出來交代、盡量有幾多講幾多，在重重規管限制下，李澤鉅都盡量協助外界理解整單交易，足以顯示他對這單「世紀大刁」有幾重視。