尋日唔少股仔起哄，金山能源（00663）亦是其中一員。集團自今年二月由現任主席入主後，已表明要將公司打造為超級煤炭企業。較早前公司又引入蘇斌做非執董。詩詩對於呢個非執董咁着緊，因為佢係華國鋒個次子，由於華國鋒本名蘇鑄，佢個仔梗係姓蘇啦。
蘇斌曾擔任中國煤炭暨焦炭投資基金聯席主席，亦係香港能源礦聯合會名譽會長，換句話講本身係煤炭業猛人。金山能源上月曾以每股0.195元配售26.73億股，集資5.012億元，作為收購山西煤礦的誠意金。整項收購計劃涉資以數十億計算，公司要蛇吞象，以其目前市值無法完成，即係要再炒高股價。現價0.187元，短線以0.22元作目標，穿0.176元止蝕。
詩詩