無論喺以前嘅Y世代、X世代，到依家嘅「80後」、「90後」，年輕人嘅消費力總係不能忽視。老友同絲絲講，話滙豐好重視呢班準客仔，話晒呢個係佢哋今年六大策略之一，滙豐上上下下自然要落力做啲成績出嚟，佢哋之前就特登搞咗個hkYFi網站，希望吸引啲年輕人留意理財資訊，順便喺當中宣傳一下品牌。
要面向多姿多采嘅年輕人圈子做宣傳，只有一個網站自然唔夠，絲絲就八到滙豐有新搞作，整咗一個叫做「Y人之理─BackPacker大募集」嘅比賽，絲絲睇過比賽嘅詳細內容，發現明顯係針對年輕人，要佢哋發揮吓創意，計劃一下可以點樣用1萬蚊「筆直」，過一個自己嘅夢想旅行，贏咗就可以喺現實世界實現夢想之旅，相信應該會吸引唔少年輕人參加。
呢個比賽絲絲就應該唔會參加，但都會留意一下身邊有冇叫Ryan嘅朋友，叫佢哋參加呢個「Y人」比賽。
余絲韻