有人爆料組團鬥Golf
絲絲尋日都有打電話畀恒地公關部想證實吓，但公關大員就以主席私人行蹤保密為理由，拒絕回應。雖然佢哋口密唔講，查實四叔真係放緊暑假，點解金融圈咁早知道佢唔喺香港？原來上星期已經有人爆響口認叻，話上周五就會坐四叔嘅私人飛機，成班波友組團直飛夏威夷嘅檀香山鬥波，四叔嘅公子及新抱就繼續留喺香港或內地打拚。
檀香山出晒名風和日麗，過去好多城中富豪、明星及名人都鍾意去嗰邊度假，或者舉行婚禮，老友話畀絲絲知，四叔喺檀香山除咗打Golf及游水，仲有Keep住每日打坐練氣，加上面對陽光海灘，心情都特別靚，充完電後，佢本周末就會原機返港。
余絲韻