恒指昨日終重返21,000點樓上收市，唔少股份於尾市時段更重現鑊氣，好似昨日指出蠢蠢欲動的醫療板塊，即市果然有炒作。今日不妨輪到睇下啲水泥股，其中華潤水泥（01313）股價在大成交配合下，昨日更曾一度升見3.81元，雖然及後升幅有所收窄，但走勢上，其股價於3元見底後，逐步回升，昨日更重返早前的密集區域3.8元水平，料隨時會再有突破。
早前，國家宣布開發西部地區，市場憧憬將會刺激水泥需求，潤泥作為龍頭企業，自然被睇好，因此亦乘勢上揚。事實上，潤泥自上市以來，已先後收購多個水泥業務，隨着產能的提升，前景值得睇好，股價有力重返去年高位4.2元水平，穿3.5元止蝕。
水務股昨日見資金追捧，可留意中國水業（01129）。中國水業主要從事供水、污水處理、供水相關安裝及建造業務，集團業務可受惠於重視環保的大方向。
走勢上，其圓底回升格局初現，加上市場一直憧憬醞釀新收購水務項目，相信短期有望見0.16元，穿0.11元止蝕。
近日走勢偏強的旭光（00067）亦具留意價值。集團早前宣布上半年銷售急增，並計劃透過購併進一步擴大生產規模。昨日收市企穩100日線樓上，可順勢跟炒一轉。
華潤水泥（01313）膽
目標價：4.2元
止蝕位：3.5元
戰鬥力：☆☆☆☆☆
中國水業（01129）腳
目標價：0.16元
止蝕位：0.11元
戰鬥力：☆☆☆☆
旭光（00067）腳
目標價：2.8元
止蝕位：2元
戰鬥力：☆☆☆☆
帥哥