期指觀瀾：升見21170好倉先食胡

儘管成交終於有六百億樓上，但不想揸太重貨過市，基於午市賣地後期指浸浸落，地產分類指數更一連兩日高開低收，擔心近期升幅唔細嘅地產股，有好消息出盡調整的風險；其次，國企股相對來說有點「疲弱」，而恒指本身強弱指數同樣有輕微背馳情況。結合種種，即使睇好後市，都唔想在結算前揸太過重倉過夜。

尋日朝早順利在21,000點樓下買入八月期指，可惜國企及地產股初現疲態，今次好倉不打算勉強要去到21,500點中期目標才平倉，今日結算日早市相信波動難免，要隨機應變，即市目標21,170點，如跌穿20,920點會先沽出再等機會。

John Mullen