今次大會安排，時間及地點都冇乜特別，主持人方面同以前就有明顯分別，過往通常有多名高層同時主持業績會，但今次嘅邀請函上只見集團主席葛霖及行政總裁紀勤嘅名字，而其他高層如鄭海泉、霍嘉治及王冬勝等名字就完全唔見，到底何解呢？
葛霖紀勤易地主持
葛霖及紀勤會與上次全年業績發布會時嘅安排掉番轉，葛霖呢次會親自來港主持業績會，而已經西向東移嘅紀勤就會返去倫敦主持，咁嘅安排都係好嘅，話晒葛霖都有一段時間冇喺香港見大家。至於下周一其實會唔會有其他高層同台與葛霖主持大局？絲絲八到，起碼都會有王冬勝一齊坐鎮，而唔係好似邀請函上名單咁單薄。
余絲韻