經濟差唔易搵水喉
以足球為例，雖然好似曼聯及利物浦呢類知名球會仍搵到大水喉，不過較小型嘅球會已經好難搵到好贊助，好似屈福特及西布朗就仲未有着落。
一級方程式車隊亦都「告急」，除咗威廉士車隊之外，蘇巴車隊今年差不多完全搵唔到贊助，雷諾車隊嘅情況仲差，佢哋要叫電視台畀咗錢先，否則就研發唔到下一季嘅新車。
有專家話依家出手最闊綽嘅變咗係電訊公司及賭博公司，雖然最頂班嗰啲體育賽事唔會有問題，好似奧運呢啲咁大型嘅項目依家一樣吸引到好多有興趣嘅公司贊助，不過唔係咁出名嘅體育會就算搵到贊助，收到嘅錢都會少過以前好多。
余絲韻