大會花20分鐘講解
上周五會議只有3粒鐘，李榮融喺食Lunch時已經問在座嘅老總有冇人睇過呢本書，結果只有寶鋼集團董事長徐樂江話有睇過。晏晝開會時，老總人人都有一份呢本書嘅內容簡介。喺咁緊迫時間入面，李榮融都花咗20分鐘講解本書，令與會嘅老總感慨話參加咗咁多部級會議，都係首次有人用咁長時間講一本書。
本書有乜咁厲害，令李榮融要花咁多時間講呢？原來內容係IBM與全球超過1,000位CEO、總經理做訪問，基於佢哋嘅訪談，做埋問卷統計兼有財務分析，描繪出未來企業藍圖，睇嚟李榮融對各間央企嘅期望都盡在呢本書入面。
余絲韻