期指觀瀾：候回補裂口再建好倉
亞洲股市昨日大致承接上星期美股低開高收升勢，但港股可能因上周五已經預支咗部分升幅，結果上升動力未算特別強，恒指現貨只升24點，報20,839點，期指早市高開21,018點後，亦幾乎全日向下，並由高水轉炒低水，跌81點，報20,837點。
技術上，大市由上星期低位累積升幅唔少，加上尋日成交額唔夠，形成港股周初即來個「反高潮」，早市期指見21,035點，好友見再炒上值博率唔夠，索性等即市調整完至算，以平日期指單日波幅至少150至200點計，尋日的低位20,832，十分合理，也十分接近上周五期指早市的四頂阻力水平。
昨日提議於21,000至21,050點把一半好倉套利的計劃順利完成，筆者深信中期港股條件好轉，外圍亦是今年以來鮮有的配合升市，現在要決定的，只係幾時再將餘下注碼full size揸好倉。或許期指至少會先補回20,622至20,720上升裂口，但過去一星期大豐收，筆者認為不急於一時，決定先睇一兩日至算。
John Mullen