香港流動電訊市場競爭劇烈就係人都知，不過，競爭大又唔等於做唔住，大家都知，自從「智能手機」起飛後，數據計劃（data plan）成為咗呢個行業嘅觸發點，大家亦都更加依靠智能手機「左上上、右上上」，將生活與資訊二合為一，簡直係表哥最愛好嘅卡通片《天地雙龍》一樣。
認識筆者嘅朋友都知，我係數記忠實Fans同黑莓服務嘅擁躉，雖然佢哋收費唔算太平，但係用咗咁多年又真係幾滿意佢哋嘅服務。
如果大家有讀過市場學都應該知道「睇準客戶嘅需要」係非常之重要。隨住無線寬頻出現，互聯網應用又與日俱增，客戶對功能強勁嘅智能手機之需求日益殷切，一個靠得住嘅網絡亦都愈來愈重要，以提供更高嘅速度同更大容量。
為咗進一步鞏固佢哋網絡，據聞數記正全面提升IP基建升級工程，以便喺日後階段，將速度同容量進一步提升，帶我哋喺互聯網世界漫遊。
好多人話電訊服務業唔係買賣電話，而係買賣服務，筆者絕對同意。全靠有一個知心嘅客戶經理老友，為筆者安排晒所有嘅服務，令我哋呢種「忙到要死」嘅人可以運用佢哋嘅服務，為身邊人（包括讀者）創造價值，呢種係傳統基本分析同埋技術分析所不能分析嘅嘢。
香港大學電子金融服務榮譽助理教授 徐燦傑