二三線難玩，要揀有質素股仔買，就算個市唔就亦有得守。東岳集團（00189）較早前發盈喜，預期半年盈利增加兩倍，股價曾漲至1.77元高位，之後隨大市反覆回落整固，在1.6元找到支持。
東岳主要生產製冷劑，在家電及汽車下鄉等政策拉動下，空調、冰箱、汽車等產品對製冷劑的需求增加。值得留意係集團兩大股東兩度大手減持後，股價不跌反升，詩詩估計相關股份已盡入強中手。由於今年東岳開始踏入豐收年，唔少基金甘願作較長線投資，所以東岳一直見明顯沽壓，短線以1.9元作目標，中線睇2.2元，相等於一○年14倍預測市盈率，止蝕等於1.55元。
詩詩