印度貴為「金磚四國」之一，喺全球經濟舞台嘅影響力與日俱增，當地政府近日更為印度貨幣盧比推出官方符號。
據悉印度內閣成員喺近日會議上，對5個最後入選嘅符號設計進行評審，最終選出由印度理工學院（IIT）研究生Udaya Kumar設計嘅符號，設計意念部分源自盧比嘅英文（Rupee）字首──「R」。
現時市場普遍以「Rs」、「Re」或「INR」作為盧比嘅代號，印度政府計劃短期內喺電腦引入盧比符號，期望兩年內喺國際間獲廣泛採用。印度資訊部長Ambika Soni話，盧比符號誕生標誌着該貨幣擢升為國際平台上一種穩健貨幣，相信全國人民都感到自豪。
余絲韻