老闆籲捐安老基金
喺40周年酒會上，絲絲聽講劉老闆之前叫朋友唔好送花籃，將嗰啲錢直接捐畀名為「安貧小姊妹會」嘅安老院基金，既環保又可幫到有需要嘅人，亦完全符合公司「共創美好明天」嘅理念。原來劉老闆一直有贊助呢個基金會，平時都有捐開錢，喺聖誕節呢啲大時大節仲會贊助搞抽獎活動添。
劉老闆做生意咁多年，當然相識滿天下，當晚有唔少政界、商界人士畀面捧場，例如有梁愛詩及王冬勝等，唔講唔知，梁愛詩與劉太原來仲係同學添。依家公司生意已經咁有聲有色，劉老闆嘅一對仔女亦開始接手公司嘞，絲絲心諗佢都可以逐步放手，歎吓世界啦。
余絲韻