《機構投資者》雜誌尋日選出最佳中國研究團隊，野村中國研究團隊打敗花旗、高盛等被選為最佳，最巴閉係野村有7位分析師打入唔同範疇嘅三甲位置。
野村有14個團隊贏得獎項，其次係花旗及高盛，隨後有美銀美林及德銀。絲絲最關心係「最佳中國經濟分析師」係邊位，得獎者係德銀嘅中國首席經濟師馬駿，第2位係野村首席經濟師孫明春，絲絲聽朋友講，孫明春目前常駐香港，曾任中國國家外匯管理局，喺宏觀經濟、貨幣政策、企業戰略管理及經濟管理方面有深入研究；而第3位係摩根士丹利嘅王慶。
《機構投資者》雜誌舉行呢個選舉，由1,300名專業投資者以及560間機構投資者投票，朋友話喺今年初，野村喺日本嘅研究團隊排名再次排第一，而喺全亞洲及全歐洲嘅研究團隊排名，就由上一年度嘅第8位躍升至第2位，今次佢哋就吐氣揚眉打敗其他國際大行，成為最佳中國研究團隊。
余絲韻