環保係當今世代最潮嘅概念，你做任何事只要配合環保，被關注程度會即時提升。回收再用係環保其中一個重要元素，尋日香港又多一家從事回收再用業務嘅公司上市，佢就係主要做混合廢金屬回收、再用及加工嘅齊合天地（00976）。唔少做環保生意嘅公司都慨嘆生意難做，但見到有公司做回收生意做到上市，就證明世上無難事。
齊合天地與其他公司上市一樣，尋日首日上市都有送紀念品畀港交所（00388），配合公司做回收廢金屬生意嘅特點，佢哋特別送咗一隻採用廢金屬製造而成嘅「奔騰馬」，呢件禮物更係由內地非常有名嘅鋼雕塑家朱克峰所設計，呢位曾用回收汽車改造成為變形金鋼嘅藝術家，更為佢嘅作品題上一首詩：「奔逸絕塵自齊合，龍騰虎躍在聯交，且待馬到功成時，共飲一杯豪客酒。」寓意齊合天地上市成功，意義深遠。
余絲韻