QUESTAR比賽揚威
今年係MerComm舉辦嘅第19屆QUESTAR比賽，堪稱視頻傳播界嘅奧斯卡，今次《窮小子、富小子》擊敗來自英國、美國等10個國家一共逾百個參賽單位而獲獎，評委一致覺得呢段片「生動有趣，節奏明快」，喺初選中仲得到滿分添。
原來《窮小子、富小子》係社會企業責任計劃之一，會計師去咗唔少中小學做巡迴講座，目的係令本港年輕一代自小養成理財觀念及理財責任，果然好有意義。其實今次呢段片唔單止令香港會計師公會揚威海外，多少亦改變咗大眾對會計師嘅睇法，好似絲絲咁，以前一直認為佢哋成日都係對住啲數字，為人一定會好刻板，估唔到佢哋都可以咁有創意，真係令人眼前一亮！
余絲韻