由於依家喺銀行工作嘅壓力好大，喺滙豐咁大嘅銀行工作，壓力應該都成正比啩？佢哋近年亦推出咗一啲好人性嘅措施，令員工於忙碌工作中都有喘息空間，好似去年就推出咗彈性上班時間以及在家工作措施。
可申請長工轉兼職
滙豐今年再接再厲，畀員工更多彈性及空間，由六月一日起，准員工申請進修休假2至12個月，如果員工真係好想暫時退下來，亦可申請放無薪假最多2個月；又或者員工已賺夠唔想做長工咁辛苦，可申請由長工轉為兼職，每周工時20小時，當然梗係要得到上司批准或酌情處理，以及要睇吓個別部門嘅營業需要先得啦！
早前佢哋嘅市場部阿頭Deborah姐就好似話休息半年，唔知係咪受惠於呢個新措施呢？
余絲韻