新世界發展（00017）今年聯同旗下公司參加無國界醫生舉辦嘅「無國界醫生日2010」籌款活動，籌得善款41萬元，再次喺活動中成為籌得最多善款嘅機構，亦係集團第4次獲得該美譽。
集團早於五月向旗下公司中港兩地嘅員工募捐，鼓勵同事捐出一日嘅收入，參與「無國界醫生日2010」籌款活動，象徵為無國界醫生嘅全球救援工作做一日義工。喺員工支持下，集團共籌得善款41萬元，當中33萬元善款來自是次活動嘅主要贊助機構——新世界百貨中國（00825）。
新世界集團執行董事鄭志剛話，佢哋一向認同無國界醫生嘅國際人道救援工作，集團期望員工藉此活動向身邊親友宣揚無國界醫生嘅理念，鼓勵佢哋繼續支持無國界醫生嘅籌款活動。
余絲韻