港股上周急跌後，等到尋日卒之識反彈，連帶唔少股仔都有番鑊氣。詩詩見到中盈國金資源（00766）反彈一成。早前，中盈國金以每股0.19元，批股畀幾個大型基金，當中包括富達、景順、滙豐旗下個Halbis同埋Och-Ziff資產管理，呢幾個基金肯入股呢間蚊型公司，梗有原因。
集團○九年收購黑龍江中誼偉業，今年五月再增持，目前股權高達92%，中誼偉業所持金礦黃金資源量目標可達100噸。中盈再於上月中，通過收購內蒙古敖漢旗金礦項目70%權益。
睇番資料，中盈亦已發現其他26個礦點，並進行更深發掘，目標係將資源存量提升至超過30噸。詩詩明白點解吸引咁多基金入股，以基金入股價再加番五成升幅，即見0.285元，打番個折扣，中盈點計都有條件見0.25元，現價買入跌穿0.173元止蝕。
詩詩