喺內地有「學術打假鬥士」之稱嘅作家方舟子早前連續喺佢嘅微博上爆料，話向來有中國IT業「打工皇帝」之稱嘅唐駿，佢嘅加州理工學院博士學位係偽造，原因係於該校校友名單中搵唔到唐駿個大名喎。
博士學位有證書
現任新華都集團總裁嘅唐駿尋日向內地媒體解畫時話，佢冇話過喺加州理工大學取得博士學位，只不過喺加州理工大學有過做研究嘅經驗。至於博士學位，唐總話當年喺日本攻讀咗5年博士課程，但最後一刻放棄博士論文答辯咗去美國，到美國後喺一間叫Pacific Western嘅私立大學做咗一排研究，最後取得Pacific Western大學P:博士學位，仲有證書證明。
唐駿對事件由原本唔想回應，到後來在微博中反擊，表明「律師已經建議佢用法律去嚴懲捏造事實者，自稱『打假先作假』。好在有法律，中國搞唔成仲有美國」。已畀人辣㷫嘅唐駿仲話，以後會喺卡片上印埋「博士」銜頭，而法律會喺依家同今後令造謠者付出代價。
余絲韻