港股昨日反彈乏力，成交額竟縮至唔夠400億元。詩詩又係得個睇字，股仔無得炒。
香港建設（00190）跟其他內房股一樣，近呢兩個月喪跌咗一段時間，至上月更跌至嚴重超賣水平，股價曾低見0.46元。睇番集團最新數據，淨負債比率僅10.2%，跟其他內房股相比，財務狀況極度健康。再計一計每股資產淨值為1.2元，以昨收市價計，折讓達54.1%，相信現價再跌風險有限。
集團截至○九年十二月底止，錄得盈利14.57億元，較○八年虧損26.46億元大有改善，主因是投資物業公平值調整，出現非現金盈利10.85億元。預期今年呢方面唔會再有咁出色表現，以其現價往績市盈率只有3.8倍計算，就算盈利減一半，市盈率都不過8倍有找。博NAV折讓收窄至40%，股價可見0.72元，現價買入，跌穿0.51元止蝕。
詩詩