想起「風」，一定想起兒時偶像哥哥張國榮。名曲「風繼續吹」，令哥哥默默踏上成功之路。哥哥喺低迷時從不放棄自己，堅守自己的信念。離開7年依舊令人懷念。好想今日公開多謝哥哥在各fans心裏面（當然包括我啦）留下的一點一滴。
「今日想起『風』，梗係講iPhone。」隨着互聯網迅速的發展，加上消費者行為模式的轉變，各大資訊科技巨頭都跟住呢個「大同世界」發展不同的產品來抓緊這個機遇。
流動互聯網市場亦都成為全世界資訊科技公司的盈利領航燈，觸發點在於發展潛力無限的智能電話 （Smartphone：即係iPhone嗰類啦），為傳統的資訊科技行業帶來「無邊的思憶」。所以內地自家貨——「樂Phone」亦都正式「起錨」兼同你死過，有排玩。
「風」再起時，iPhone 4有幾hit，仲使講。梗係得啦。舊舖老總（50後）急急趕上「潮人尾班車」用iPhone，都咪話唔厲害。我都落order訂5部iPhone 4送畀至愛親朋。iPhone 4銷情理想，最終贏家實係Apple啦。iPhone亦都為Apple組成一個「死士」同盟會——apple store，為日後廣告及擁有價值的Apple Buddy留下一個「資源共享」的希望。電訊網絡商跟住亦都「夫憑妻貴」，兩公婆甜到漏啦。
全賴Steve Jobs好似哥哥一樣，默默向上游兼從不放棄，令到我哋「為你鍾情，我願意」。
香港大學電子金融服務榮譽助理教授 徐燦傑