難得世界盃休戰，尋日又有一日假期，本來好值得開心，可惜假前港股下跌，而呢兩日環球股市跌勢持續，擔心今日港股又插水。詩詩雖無貨一身輕，但投資氣氛又轉壞，七月或者又要食白果。
股仔同消息股難炒，呢期都係吼位低吸優質股，大市唔就仲可以坐貨守一守。重慶機電（02722）今年接單情況理想，截至四月底公司主要業務定單已達產量目標55%以上，料全年業績錄得穩健增長。
重機亦已完成收購PTG旗下6間歐洲公司，對長遠發展有利。再睇番重機有多個基金股東持股量超過5%，其中GE Asset Management在上月廿二日再以均價2.006元增持，目前其持股量達11.05%。咁多基金睇好，可見其質素不俗，以現價市盈率約10倍計算，估計便宜，可吸納作中長線投資，跌穿1.8元止蝕。
詩詩