近期經常出席不同IPO的股評家活動，「有得食、有堂上」認真爽。好多人話讀書講理論，又唔一定。成日同投資者講「沒有基本知識，又點樣去分析」。全靠以前「學貫中西」，先可以明解鋼水控流產品製造商——華耐（01020）嘅業務。華耐主要從事製造先進鋼水控流產品，供連鑄工序使用，以保護、控制及調節鋼液流量。係製鋼過程中不可缺少的重要組件之一。產品屬高度易耗品（要成日換），獲專利認證，而且價格具競爭力（唔係平就得）。
在經驗豐富的管理團隊帶動下，客戶基礎龐大：包括中國知名鋼鐵集團成員如寶鋼集團、河北鋼鐵集團、武漢及山東鋼鐵集團。另外，華耐於○九年迅速成為行業領導者之一（佔約19%的市場份額）。買股買龍頭，你同我都知。90%國際配售，10%公開發售，有助股價免受「老散」影響，以營運及財務數據、一○年首半年預測純利已多過○九年，加上有望分派溢利至少30%作為股息，作為實業股可留意。
正所謂「千呼萬喚始出來」，真係又要向我兩個「IFA功能組別界」偶像——「老黃」及「大老陳」致敬。香港IFA大哥：康宏上市方案正式通過。
香港大學電子金融服務榮譽助理教授 徐燦傑