撐騰訊無意減持
由10年前投資騰訊至今，Naspers仍持有近35%騰訊股權，除中國以及南非本土，Naspers亦積極投資於印度、俄羅斯、巴西及波蘭等新興市場。Koos Bekker喺祖家南非出席《財富》全球論壇時話，投資中國咁成功其實係靠運，而管理層加注投資俄羅斯亦係順勢而行，至於最後能否成功，就要睇天時、地利與人和！
其實對騰訊嚟講，近排負面消息一籮籮，特別係內地規管網絡遊戲嘅新政策，殺傷力極大，但Koos Bekker就話，好多人其實都對呢項新政策有誤解，仲大派定心丸話騰訊業務根本唔受影響，並表明無意減持騰訊。
余絲韻