遊深圳景點減吓壓
呢次「深圳一日遊」係由富士康與區政府合辦，請咗七千多名員工去，首團有三千五百多名員工，共有五條旅遊路線，主要遊覽東部華僑城、世界之窗、歡樂谷及民俗村等。絲絲聽講，原來有唔少員工係外省人，今趟第一次去深圳景點遊覽，其中剛加入富士康工作咗三個月嘅小郭話，以前最多只喺廠區附近行街，呢啲景點真係未去過，佢仲興致勃勃問朋友借數碼相機拍照留念，話會將相片寄畀鄉下嘅父母及親朋戚友睇喎。
當日雖然落雨，但冇破壞員工出外嘅興奮心情，個個都穿上主題Ｔ恤，印上「用愛關愛每一天，用心感動每一人」嘅標語。絲絲衷心希望富士康員工可藉着旅遊活動減吓壓，生活態度正面一啲。
余絲韻