港龍航空喺下個月就25歲生日，佢哋嚟緊會有一連串優惠活動，實行同乘客一同慶祝。
港龍喺一九八五年七月二十六日首航往馬來西亞，眨吓眼就25年。港龍會喺生日當日於網上舉行大抽獎，凡於下月二十六日凌晨起嘅25個鐘內上港龍網頁訂機票就可抽獎，有機會抽到同等價值嘅機票回贈現金券用嚟買番港龍機票，當日喺機上買嘢仲有特別版香水送添！
港龍行政總裁唐偉邦（James）話，去年五、六月時生意跌咗三、四成，不過今年五月至六月嘅收入及載客人數較去年同期反彈咗三至四成，相信全年應該有一至兩成增長，重返金融海嘯前水平。
余絲韻