講開「全球叫得響」嘅中國品牌，大家可能會諗起聯想、海爾、李寧、TCL、華為及中興等，但以上品牌大多屬民企，而且亦未算具國際級數。
繼續整合 唔掂掃走
李榮融日前出席央企科技工作會議時就話，近年央企主要倚賴國家經濟嘅高速增長，但與其他跨國企業相比，央企嘅自主創新能力仍有好大差距，只喺中低端產業上贏得國際競爭力。
其實為咗提升央企競爭力，國資委近年已着手處理央企嘅整合，李榮融透露喺今年底國資委旗下嘅央企數目，將由目前125家進一步整合至100家以內，整合目的係要將不符合發展策略、缺乏競爭力嘅業務清理出去。
余絲韻