絲絲講場：第一代MPF中介人謝佩蘭返娘家

謝佩蘭（Bonnie）第一次以友邦信託CEO身份與傳媒見面。雖然佢之前係滙豐嘅人，但今次都唔可以話係過檔，用返娘家嚟形容就差唔多，佢係第一代嘅強積金（MPF）中介人，當年編號係3號仔，佢笑言攞住「天字第三號」嘅身份好威水呢！

其實Bonnie係九九年友邦與JF資產管理合作嘅要員之一，負責促成策略聯盟，係前線嘅銷售部總監。佢今次返嚟睇強積金，所有工作程序都好清楚，直頭可用一拍即合嚟形容，唯一要接受再培訓嘅，可能係要清楚番友邦依家嘅團隊精神喎！

強積金成立至今已有10年，Bonnie分享話，佢係第一代攞到強積金中介人牌照嘅人，冧巴係3號，不過因為佢其後轉工，一轉工就要同舊冧巴講拜拜，勁唔捨得！當年中介人身份係有張好似身份證嘅證件，方便向客人展示，唔似依家由證書證明，Bonnie話揸住張證感覺高貴啲。

余絲韻