朱鎔基之女經驗豐
朱燕來其實都做咗好多年銀行家，佢喺九七年已經加入中行，做過中行加拿大分行業務主管及港澳管理處助理總經理，○一年中銀香港合併後，佢就擔任發展規劃部總經理，仲兼埋旗下南洋商業銀行及南洋商業銀行中國嘅非執董。
依家升職後，佢將會負責中銀香港整體戰略、業務方向及可持續發展規劃和實施，直接向總裁和廣北匯報，仲要協助和總手下3名副總裁。
朱燕來係前國務院總理朱鎔基個女，不過佢好低調，絲絲記得中銀喺香港上市嘅時候，佢都有出席，但只係靜靜坐喺會場。朱總做過人行行長，另一個兒子朱雲來亦都活躍於金融圈。
余絲韻