與苗圃行動合作
關愛身邊嘅人係社會不可或缺，難得梅隆銀行都有呢個信念，佢哋忙於提供資產管理同證券服務嘅同時，亦與慈善機構「苗圃行動」合作，重建雲南一間小學。梅隆喺18個月內籌集咗一筆資金，興建一棟新樓，令學校可接收更多住宿生以及邊遠地區嘅學生。
除咗資助重建工程外，梅隆仲組織咗一系列嘅員工募捐活動，為學校添置更多體育設施及圖書。新小學總共可容納170名學生，裏面有7間教室及1間遠端教育教室，仲有實驗室及教師辦公室，另外亦有為住宿生而設嘅宿舍同浴室等，一應俱全。梅隆北京代表處首席代表陳清都好感觸咁話，今次中港員工一齊為學校籌錢，係梅隆目前為止最值得自豪嘅公益活動之一。
余絲韻