法巴前執行董事翁世權今年四月離開公司，佢個位一直懸空，市場不斷猜測會由邊位接手，又關心最後會唔會有人「空降」法巴，等咗近兩個月終於都水落石出。Shirley平時份人比較低調，較少喺媒體曝光，但原來佢加入法巴股票及衍生產品部已有約五年時間，之前又曾經喺彭博出任認股證數據分析員，對窩輪及牛熊證有相當嘅認識。
將發行特長期窩輪
Shirley透露，佢升職後工作量會增加，多咗機會周圍飛。依家佢已經不斷努力諗緊適合市況嘅產品，最近見大市呈上落市，佢哋將會發行一批二○一二及二○一三年到期嘅窩輪，算係特長期。
余絲韻