匹克首席執行官許志華早兩日就喺廈門與多個國際知名嘅體育組織及媒體簽訂戰略合作協議，目的都係想進一步推進匹克品牌國際化，仲順便Show吓今年冬季及明年春季嘅最新產品，其中包括採用全新超輕鞋底嘅鞋類產品以及最新環保物料嘅服裝。
多項體壇盛事登場
許志華同絲絲講，佢哋將為新西蘭奧委會提供二○一二年夏季奧運會、二○一○年青年奧運會及二○一○年英聯邦運動會嘅專業裝備，塞爾維亞國家籃球隊又會穿着佢哋出品嘅球衣，佢哋亦會連續第5年贊助斯坦科維奇杯賽事，佢話呢項杯賽係中國球迷非常熟悉嘅洲際籃球比賽，屬於中國舉行嘅最高級別國際籃球賽事之一。
余絲韻