今次登峰之旅，四月初開始攀登，王石估計喺本月十八、十九日完成登頂，喺本月底返到上海。攀登之前，佢話感受最深係氣候變化，因為氣溫上升，原本鋪滿冰雪嘅冰峰台已融化，搭好嘅帳篷變得凹凹凸凸。
房企比併「硬功夫」
王石好關心環保，佢喺博客話睇到冰河慢慢消失，按照目前人類活動，若再唔進行有計劃嘅環境保護，估計五十年後珠峰附近嘅冰川會全部消失，佢仲將上世紀二、三十年代嘅珠峰照片放喺博客，顯示氣候變化影響。
講番成為近期熱門話題嘅樓市，佢話今次樓市調控力度比預期大，各地政府落實動作都好快，依家房企要比併「硬功夫」，即係比內力、比價值，例如產品質量、營銷、品牌認同及信心，邊個夠硬就邊個贏！
余絲韻