8款電子書「上架」
據中移數據部總經理高念書話，手機閱讀業務形式有兩種，一種係透過傳統嘅手機去閱讀，另一種係電子書。佢又話，之前中移手機閱讀業務喺浙江省以及其他7個省進行咗試用，有1,500萬用戶訪問中移嘅手機閱讀平台，喺4個月嘅時間內，累計訪問閱讀用戶數目已經突破3,000萬。
高總仲話，依家中移共提供403款可支援電子閱讀嘅手機，至於真正嘅電子書就有8款，包括漢王、華為、大唐移動及方正等。
絲絲記得，電子書喺多年前已經推出市場，不過遲遲未能普及，硬件、軟件都有問題，如今電子書熱潮再起，應該唔會重蹈覆轍。
余絲韻