本港嘅信用卡滲透率好高，推銷信用卡就要諗多啲計仔，大新銀行（02356）執行董事兼零售銀行處主管藍章華（John）就親力親為，大展歌喉領唱推銷信用卡新優惠，原來佢以前做過DJ㗎！
每次大新推卡都見到阿John與零售銀行處信用卡業務主管歐陽少美（Winnie），佢哋話大新信用卡日常開支有1%現金回贈，仲親身出嚟領唱！阿John話做「賓卡」係一份悶悶哋嘅工作，但係推銷信用卡、做宣傳就幾好玩，所以一有信用卡嘅宣傳工作，佢就零舍精神。
阿John大展歌喉，聽得出佢把聲都幾雄厚。原來佢以前喺加拿大嘅時候曾經做過客席DJ，絲絲即刻打聽佢係咪做烽煙節目，等聽眾打去盡訴心中情咁，原來佢當時已經係好正經咁主持財經節目，佢依家有時亦會上電台、電視做嘉賓呢！
余絲韻