絲絲講場：渣打搵四大導拍廣告
做廣告最緊要令觀眾有深刻印象，渣打集團（02888）最近專程搵咗4位導演，分別拍咗4個表現渣打新品牌承諾「Here for good」嘅廣告，其中一位來自美國嘅導演Ezra Wube仲親身飛嚟香港，佢仲送咗幅親手製作嘅油畫畀集團行政總裁冼博德（Peter Sands）。
Ezra Wube出生自埃塞俄比亞，係製片人亦係藝術家；另外3位導演中，包括我哋比較熟悉、來自中國嘅田壯壯，佢拍嘅廣告以樹木及城市生活，展示渣打傳統特色及悠久歷史。
嚟緊五月四日渣打會講吓首季業務情況，去年渣打做得好好，其中一個原因係企業銀行勁賺，Peter話其實去年因為個人銀行受撇帳問題困擾，相對之下先至令企業銀行好似勁出色，佢話今年已見到個人銀行嘅撇帳率不斷加快改善。
新地榮膺信譽品牌
另一方面，新地（00016）又再度攞獎，佢哋喺《讀者文摘》亞洲品牌調查中獲消費者以一人一票方式，再度推選為香港地產界別中最具信譽嘅優質品牌，連續5年榮獲「信譽品牌白金獎」最高殊榮，更加係唯一一間地產發展商獲得嘉許。
余絲韻