絲絲講場：陳鳳珠兒時跳跳紮
回憶總令人百般回味，好似申銀萬國（香港）分析員陳鳳珠（Ellie）咁，佢同絲絲分享小時候嘅趣事，言談間總感到絲絲甜意。
Ellie話佢細個時都幾好動，讀幼稚園時成日都會被老師睇中，喺畢業禮表演跳舞，仲記得每次練習後，老師都會有獎勵，其中有一次老師將學校嘅牆壁全部畫上動物圖畫，話係其中一份禮物，最令佢印象深刻。
上電視表演跳繩
讀小五時，Ellie入選咗學校嘅跳繩隊，到各處表演花式跳繩，更有一次為兒童節目錄影，嗰次係佢第一次上電視，當然難忘啦！
到咗依家，雖然工作較忙，但Ellie不時都會與朋友食飯敍舊、唱卡啦OK、睇電影及打羽毛球等。
余絲韻